منتديات فارس نجد
♣️ اهلا وسهلا بكم معنا في منتديات فارس نجد ًَ َونتمنى لكم قضاء وقت ممتع معنا إذا لم تسجل بعد بالمنتدى فاضغط على تسجيل وان كنت واحد من الاعضاء الكرام أضغط على دخول♣️


اهلا بكم في فارس نجد
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول
مرحبـــــــا بــــكم في منتديات فارس نجد

شاطر | 
 

 قصة حقيقيه ... تلوع بالجبد ^^ (اللي يخاف تلوع جبده لا يدخل )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنوتة راك
الرتبه:
الرتبه:
avatar


عدد المساهمات : 92
نقاط : 2559
تاريخ التسجيل : 19/04/2011

مُساهمةموضوع: قصة حقيقيه ... تلوع بالجبد ^^ (اللي يخاف تلوع جبده لا يدخل )   السبت مايو 28, 2011 8:36 am



مرحبا كيف الحال

يا عساكم طيبين


هذه السالفه حقيقه صارت في منطقتنا
تقريبا من حوالي 3 سنوات و امس خبروني عنها و قلت احكيها لكم مثل ما وصلتني بالظبط


الله يسلمكم هي اسره توفت عنهم والدتهم
و قررالابو ان يجيب خدامه اسيوية للبيت علشان تساعد في البيت بعد ما توفت الام ..
المهم يوم من الايام قالت انا بسوي لكم غدى
لحم و قالوا مو مشكله خلينا نشوف طباخج
المهم سوت لهم غدى .. الابو : هاه شنو سويتي اليوم لنا غدى ؟ قالت : بابا انا يسوي لكم اليوم مرق لحم قال : يا سلام ودنا بلحم من زمان و اتجمعوا عياله و اتغدوا و عجبهم الغدى قالوا يا سلام شنو هاللحم هذا طعمه لذيذ واايد .. و ما شاء الله قضوا عليه من لذته ..
و بعد اسبوع نفس شي العيال و الابو يمدحون الخدامه و طباخها الحلو .. ويوم من الايام يا الابو : هاه فلانه شو سويتي اليوم غدى .. قالت : بابا انا يسوي حق انته مجبوس لحم واجد هلو .. الابو تشقق و قال : بس انا ما احيد انا جبت لحم هالاسبوع من وين لنا لحم ..؟ قالت : بابا امبلا انته يجيب بس انت فيه ينسى يمكن .. قال في خاطره : ايه والله صج يمكن يايب و نسيت مو مشكله اللحم زين وش حلاته احسن من الدجاج ..
المهم و حبوا الاكل العيال و صاروا كل يوم يطلبون اللحم اللي تسويه مره مرق و مره مجبوس و مرة تسويه لهم برياني ..

المهم الله راد يوم من الايام يكشفها على حقيقتها .. و كل هالفتره شو كانت تسوي ..
للاسف كانت تذبح لهم قطاوة و تصلخه و تطبخه و تقص الذيل و تعق الراس و الباجي تطبخه و تحمره و تحمسه فما ينعرف ..
الا بالهيوم اللي راد الله يكشفها فيه ..
نست الراس ما عقته و طبخته ..

المهم لما جا وقت الغدى العيال و ابوهم ياكلون وياكلون و يطلع لهم الراس .. والولد قعد يتمعن فيه ويقلبه يمين ويسار
ابويه شوف هالراس مب رااس صخله و لا شي صغيير و مدور تعال شوفه ..
و تجمعوا كلهم و انصدمووا
ويزقر الابو الخدامه وهو معصب تعاااالي تعاااالي يعلج ما تربحين شنوو هاه طابخه لنا
لحم شو فااار ؟؟ ارتبكت .. لا بابا هذا مال صخله ما فيه مال فار .. قالها جذااابه و من عييينج هذا مب راااس فااار و لا حتى غنمه شنوو هذاا قووولي و الا يا ويلج مني بوديج الشرطه .. قالت وبكل برود .. انا ما فيه خوف من شرطه ودي .. و ودوها الشرطه و تحقيق و عفسه و اعترفت انها تطبخ لهم لحم قطااو >< و صدق لاعت جبودهم والشرطه حققوا وياهم ما صار فيكم شي لا سمح الله ؟ رد الابو لا و الحمدلله ما صار فينا شي لا انا و لا عيالي .. وسالوهم كيف ما ميزتوه اللحم ما حسيتوا ان الطعم غير .. ؟ قال الابو : لا والله ما حسينا و طعمه يعني حلو و نظيف من جيه ما حسينا ما عرفنا الا من الراس اللي لقيناه مع العيش .. المهم و عقب سجنوها الخدامه و سفروها بلادها ..
الرجوع الى أعلى الصفحة اذهب الى الأسفل
صايد الغزلان
الرتبه:
الرتبه:
avatar

البلد :

عدد المساهمات : 284
نقاط : 3166
تاريخ التسجيل : 13/02/2011

مُساهمةموضوع: رد: قصة حقيقيه ... تلوع بالجبد ^^ (اللي يخاف تلوع جبده لا يدخل )   السبت مايو 28, 2011 11:55 am

ههههههههههههه حلوه ياكلون لحم بساس ولا يميزون اغبياء ذولا

توقيع العضو

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
__________________________________________________________________________

الرجوع الى أعلى الصفحة اذهب الى الأسفل
http://www.kamis.com
 
قصة حقيقيه ... تلوع بالجبد ^^ (اللي يخاف تلوع جبده لا يدخل )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات فارس نجد :: القصص و الروايات :: القصص-
انتقل الى: