بسم الله الرحمن الرحيم
جيهكلك تعالي غلا ... والاارجعي كلك
بعض الغلا منك مايستاهل الجيه
طالت وانا في رجا ليتك..وياعلك
أوراق بالذاكره ..واوراق منسيه
مابل ثوبك مطر شوقي ولابلك
لوعلتك من سحاب الروح وسميه
ليه امشي الدرب دامه مايوصل لك
تخاف رمضا الضياع اقدام رجليه
يابنت تو الهوى ماصرت انا خلك
للحين .. مازالت الصوره رماديه
ومازال بعض الغموض الشره يحتلك
وشلون انا اعشقك واحبك على النيه
اشوفك هناك قدامي .. ولاادلك
صعب الكتابه ليا صار الورق ميه
إن كان شمسك تساومني على ضلك
ماعاد ابي منك لا شمس .. ولافيه
اما تعالي لقلبٍ .. فز لك كلك
والا اتركيني ما ابي لك بالهوى جيه
اهلا وسهلا بكم معنا في منتديات فارس نجد ًَ َونتمنى لكم قضاء وقت ممتع معنا إذا لم تسجل بعد بالمنتدى فاضغط على تسجيل وان كنت واحد من الاعضاء الكرام أضغط على دخول
