منتديات فارس نجد
♣️ اهلا وسهلا بكم معنا في منتديات فارس نجد ًَ َونتمنى لكم قضاء وقت ممتع معنا إذا لم تسجل بعد بالمنتدى فاضغط على تسجيل وان كنت واحد من الاعضاء الكرام أضغط على دخول♣️


اهلا بكم في فارس نجد
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول
مرحبـــــــا بــــكم في منتديات فارس نجد

شاطر | 
 

  بقرة فوق السطح

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صايد الغزلان
الرتبه:
الرتبه:
avatar

البلد :

عدد المساهمات : 284
نقاط : 3203
تاريخ التسجيل : 13/02/2011

مُساهمةموضوع: بقرة فوق السطح    الإثنين يونيو 18, 2012 3:59 pm

أسعد الله جميع أوقاتكم
بكل خير..



بقرة فوق السطح


قبل كم يوم صليت الفجر وجلست عند حديقة المسجد
كنت حاس أني طفشان بالمرة وبعدين شافني شايب من
شيبان حارتنا معروف عنه في السوالف التي توسع الصدر
جاء وسلم علي وجلس جنبي ..
وقال لي وشفيك : ياولدي ؟
قلت له : طفشان ياعم بومحمد


المهم :
مرت اللحظات وبدينا نسولف مع بعض السوالف العادية
وبعدين قلت بومحمد دخيلك تقولي سالفة توسع الصدر
بصراحة أنت أنسان مزوح وفلالي وماتقصر مع أحد
قال : أبشر ياولدي ماطلبت شي




بقرة فوق السطح
يقول العم بومحمد عن نفسه : أول ماتزوجت ياولدي قبل
خمسين سنة كنت ساكن في بيت مبني بالطين والآجر
.. بيوم من الأيام كنت جالس مع زوجتي نشرب
قهوة الضحى ( وقت الرومانسية سابقا ) .
وكنت ناسي باب البيت مفتوح .. وعاد هذاك اليوم أشردت بقرة
من أحد بيوت الجيران وجات البقرة عند بيتي وشافت الباب مفتوح
ودخلت وكان الدرج قريب منها وعلى طول رقت سطح البيت
يقول العم بومحمد وأنا كنت منبسط مع زوجتي أم محمد
بـ سويلفت الشباب الحلوة وما حسينا بدخول البقرة
في سطح بيتنا ولا أصلن حنا ندري عنها


المهم :
أشوي جاء راعي البقرة ومعه بزارين من الحارة وطقوا الباب
وقالوا : العم بومحمد ترى بقرتنا هربت وشفناها داخله في بيتك
يقول بومحمد ضحكت وقلت : وش دعوة بقرة تدخل بيتي
ولا أشوفها ليه ؟ لايكون أنتوا فاكريني مفهية تبون تهايطون
علي
قالوا : وقسم مانكذب عليك
يقول بومحمد عاد هم يحلفون لي وأنا أقول لهم أنقلعوا ياسرابيت
قبل ما أطلع عليكم بالعجرة والعن ....
وفجاءة وهم يتهاوشون معي .. سمعت صوت البقرة
وهي فوق سطح بيتي هههههه
قالوا : هاه ياعم بومحمد الحين صدقت أن البقرة موجودة في بيتك !



المهم :
يقول بومحمد :
أنحرجت منهم ودخلتهم البيت ورقيت معهم السطح . وبعدين
شفنا البقرة الدلوعة




هذي الصورة حق الهياطه فقط


وحاولنا نزلها من فوق لكنها ماهي
راضيه
وبعد ماعجزنا من تنزيلها طلبنا الفزعه من الجيران
وجاو الجيران ماقصرو وفزعوا معنا بس مافي فايدة
يقول عاد بومحمد عصبت وقلت لراعي البقرة :
ترى بيتي قديم لايكون بقرتك هـ الملعونه تكسر شي
ترى بدفعك قيمته وقيمة تصليحه
ههههههه خاف راعي البقرة وصابته الحيرة
ياربي وش يسوي مع بقرته العنيدة اللي نشبت في بيت بومحمد
ولاراضية تنزل منه ؟




وبعدين راعي البقرة لقى فكرة حلوة


تتوقعون وش هـ الفكرة

( جاب جزار (قصاب ) وذبح البقرة فوق سطح بيت
بومحمد هههههههه يوم شافها ماهي راضيه تنزل
برجلينها نزلها وهي لحم ههههههههههههههههه )

أتمنى نالت أعجابكم bounce bounce


توقيع العضو

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
__________________________________________________________________________

الرجوع الى أعلى الصفحة اذهب الى الأسفل
http://www.kamis.com
 
بقرة فوق السطح
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات فارس نجد :: الترفيه :: نـــــكــــت-
انتقل الى: