سسسسسسسلام أخباركم علوومكم
هذي مواقف للشباب وهياطه مقبل ماتدخل الموضوع جب قهوتك معك وحياك ولاتطلع الا مقيم الموضوع واضفت رد والا ترا ماتلوم الا قهوة >>>بدينا بالهياط هههههه
هذا موقف لواحد وخويه أيام الثانوي هو أخوي نواف وصقيقه
في يوم راح نواف لخويه ياخذه من البيت ويرحون للمدرسه كانوا بثالث ثنوي المهم لما وصلوا المدرسه كانوا الطلاب بس يناظرون نواف وخويه
بس الكل كان يقصد خويه ويناظرونه نظرات مش ولابد
قال خويه: نواف شفت العيال يناظرون لي فيني شي اليووم
نواف ماكان رايق له قال :اكرمنا بسكوتك وامش داخل سكت خويه وكملوا طريقهم لكن مازالوا الطلاب يناظرون للخويه
قال خويه : نواف بالله شف وش فيني اليوووووووووم اكيد محلو>>>من جنبها
ناظرله نواف بتمعن>>>متعوب عليها بتمعن
قال: محلوانت ووجهك هاه
رد خويه قال ايه وانا ولد ابوي اجل ليه الكل يناظر لي قال نواف بلاه من نعالك((الله يكرمكم))
لما ناظرخويه للنعاله لقى نفسه لابس نعال كل وحده شكل تختلف عن الثانيه
والله من الهياط اجل محلو ياولد ابوك ((منجـــد توهقنا ))
_______________________________
هذا موقف ثاني لواحد يقول في يوم العيد كنت كاشخ للاخر ومحد قدي كان عيد الاضحى
وبعد مارجعنا من الصلاة قال لي اخوي الكبير روح جب الذبيحه من السلاخ
يقول رحت انا واخوي اللي اصغر مني ولما كنت بالطريق جات لنا سياره وكانت تسوي حركات وتلف علينا عمد وتضرب بوري
يقول انا عصبت>>>>بدا الهياط عنده
صاحب السياره وقف عند محطة بانزين يعبي سيارته يقول واركن جنبه وانزل عليه يقول اول ما فتح سيارته الا وانا ماسكه>>>> لحظة تهوووووور
ويقول واضربه ضرررررررب اتوقع مامرعليه وزود عليه كمل اخوي الصغير عليه
ورجعت للسياره وانا منهد حيلي وخربت الكشخه والاخلاق زفت بعد مارحت للسلاخ ورجعت للبيت
لقيت اخوي معصب ويقول الضيوف جاو يالله اطلعوا لهم يقول بدلت ثوبي ورحت للمجلس
اووووووول مادخلت سمعت واحد يقول هذا هو رفعت راسي له لقيته الرجال اللي ضربته جالس عند اخوي الكبير
يقووووووول وينقز اخوي الكبير قال وش سويت بالرجال يقول وعطاني كف من العصبيه وطلعت من المجلس وانا متفشل
طبعا الضيف كان يستهبل عليه بالسياره لان الولد كان رايح بسيارة اخوه الكبير والضيف عرفها ويحسبه خويه ماعرف انه اخوه
هياط على طووووووول ضرب والنهايه طلع هذا ضيفهم((منجد توهقنا))
هذي نهاية الهياط
اتمنى ماطولت عليكم ونفس الوقت تعجبكم
اهلا وسهلا بكم معنا في منتديات فارس نجد ًَ َونتمنى لكم قضاء وقت ممتع معنا إذا لم تسجل بعد بالمنتدى فاضغط على تسجيل وان كنت واحد من الاعضاء الكرام أضغط على دخول
