بسم الله الرحمن الرحيم
البـــــــــ الأول ــــــــارت :
\
/
\
/
\
/
قد تنمو الصداقة / لتصبح (حباً) , و لكن الحب لا يتراجع ليصبح (صداقة)
\
/
\
/
\
/
\
/
... جالس على النت ويفرفر في المنتديات وهو ملان
: أأأف مافي شي جديد الواحد يتسلى فيه .
اشوي و يرن الجوال يرد بعد ما يشوف مين الي متصل .
جواد : هلا بو الشباب شعندك داق بهالوقت .
أسامه : هلا والله فيك .. ، ما تدري طحت على شاات افا عليك شي عجيب .. حركاااات .
جواد " بلهفه " : بسرررعه شنو اسمه .
أسامه : اسمه شات ... " ....... " ..
جواد : الحييين ادخل .
ويدخل على الشات بأسم " راعي الهايلكس " ..
ويسلم على الموجودين بالروم ويحاول انه يشبك له بنت بس ماحد معطيه وجه ... و مل و طفش ، ..... و خطرت على باله فكره جهنميييييه قرر انه يدخل بأسم بنت و يشوف حظه ودخل بأسم " المجروحه " .. وقعد يلعب شوي وهو عاجبه الوضع مرررره الكل يكلمه ويبغى يتعرف عليه وهو مسوي نفسه رزييين ما يعطيهم وجهه .
....... وتجي له محادثه من .. " طفله على بوابه النسيان " ..
_ ( - طفله – على بوابه النسيان - ) :
منو اللي جرحك يالمجروحه .
.......... يفكر شوي قبل ما يرد عليها و يقول في نفسه * خل استهبل عليها شوي دام اني فاضي الحين * ..
_ (־ˉ¯ المجروحة ¯ˉ־ ) :
قصة جرحي طويله مستعده تسمعينها بدون ما تملين .
_ ( - طفله – على بوابه النسيان - ) :
عادي ما عندي شي تكلمي ، اذا كنتي تبغين و ماتعدينه تدخل في خصوصياتك .
_ (־ˉ¯ المجروحة ¯ˉ־ ) :
لا عادي ، بس انتي متأكده انك ما راح تملين .
_ ( - طفله – على بوابه النسيان - ) :
أي متأكده .
_ (־ˉ¯ المجروحة ¯ˉ־ ) :
أنا كانت لي صديقه ...
_ ( - طفله – على بوابه النسيان - ) :
صديقه .. ؟ شلون يعني صديقه فكرتك بتقولين صديق .
_ (־ˉ¯ المجروحة ¯ˉ־ ) :
لا . صديقه ، بس لا تفكرين بعيد .
_ ( - طفله – على بوابه النسيان - ) :
لا ما فكرت بهالشي ، بس العاده يقولون انه صديق جرحهم .
_ (־ˉ¯ المجروحة ¯ˉ־ ) :
اهااا .. ok خليني اكمل لك .. كانت عندي صديقه اعزها كثير كثير اكثر مما تتصورين و كنت اقول لها كل شي عن حياتي كنت اعدها حفره اسراري ...
_ ( - طفله – على بوابه النسيان - ) :
يؤيؤيؤ ، حفره بالمره .. انا سمعت بيير مو حفره ..
_ (־ˉ¯ المجروحة ¯ˉ־ ) :
هههههه ، عادي بيير حفره كله سوا .
_ ( - طفله – على بوابه النسيان - ) :
Ok ، كملي وشو صار بعدين .
_ (־ˉ¯ المجروحة ¯ˉ־ ) :
الله يسلمك يوم من الايام اكتشفت ان كل اسراري صارت مثل النكت على كل لسان .
_ ( - طفله – على بوابه النسيان - ) : " بإستغراب "
معقوله ...؟؟
_ (־ˉ¯ المجروحة ¯ˉ־ ) : " يضحك "
لا تستغربين ناس كثيره تسوي كذا و يكونون قرااب كثير منك .
..... " و استمروا في الكلام لمده نص ساعه تقريبا "
_ (־ˉ¯ المجروحة ¯ˉ־ ) :
ودي أقول لك شي بس متردده و أخاق ترديني .
_ ( - طفله – على بوابه النسيان - ) :
خير ان شاء الله أمري .
_ (־ˉ¯ المجروحة ¯ˉ־ ) :
بصراحه ودي اتعرف عليكي اكثر عن طريق الايميل لاني حبيتك وارتحت لك كثير .
_ ( - طفله – على بوابه النسيان - ) : " بتردد "
نقدر نتكلم هنا وراح تلاقيني دايما هنا .
_ (־ˉ¯ المجروحة ¯ˉ־ ) :
بس الشات يعلق و في الماسنجر ناخذ راحتنا اكثر .
_ ( - طفله – على بوابه النسيان - ) : " بتردد "
Ok ، هذا ايميلي " @ hotmail.com ............... "
جواد يكلم نفسه " و جبتها لعندي "
_ (־ˉ¯ المجروحة ¯ˉ־ ) :
يالله بتجيكي إضافه قبليها .
_ ( - طفله – على بوابه النسيان - ) : " تقبل الإضافه "
قبلت .
جواد ينتقل إلى الماسنجر ..
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
تو ما نور الماسنجر .
آآه علـــــ قلب ـــى صارت طموحـــ سراب ـــاته
بوجودك .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
ما تعرفنا على اسمك .
آآه علـــــ قلب ـــى صارت طموحـــ سراب ـــاته
....................
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
شكلك ما ودك تقولين . أنا ادري انو لسى ما وثقتي فيني بس صدقيني أنا أرتحت لك حييل و حابه اني اتعرف عليكي .
آآه علـــــ قلب ـــى صارت طموحـــ سراب ـــاته
لا تفهميني غلط بس أفضل الحين ما اقول .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
Ok ، براحتك أنا ما أبغى اضغط عليكي .. أنا اسمي جود .
آآه علـــــ قلب ـــى صارت طموحـــ سراب ـــاته
عاشت الأسامي ..
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
عاشت أيامك ..
آآه علـــــ قلب ـــى صارت طموحـــ سراب ـــاته
دقيقه .. أهلي ينادوني .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
Take Your Time
____________________________________
: ليان ، ليان تعالي وينك يا بنتي .
ليان : نعم يمه امري شنو بغيتي .
أم عبد الله : وين كنتي لي ساعه اناديك .
ليان : اسفه يمه كنت عند النت .
أم عبد الله : والله هل النت بياخذ عقلك كله جالسه عنده .
ليان : يمه والله مو دايم اجلس عليه .
أم عبد الله : أنا يا بنتي أبيك تجلين معي أكثر انا بالموت اشوفك دايما مخليتني بروحي أخوانك قمتي تجلسين معاهم .
ليان تبوس راس امها : إن شاء الله .. أنتي تامرين امر يالغاليه .
أم عبد الله : الله يرضى عليكي .. و يحفظك .
ليان : إلا ما قلتي لي يالغاليه شنو تبغين .
أم عبد الله : أي صج ذكرتيني .. شغلي التلفزيون خليني اشوف المسلسل قبل ما يخلص .
ليان تشغل التلفزيون وتحطه على القناه اللي تبغيها امها .
_________________________________
ليان عمرها 19 سنه جمالها رباني ناااعمه و هاديه عيونها وساع و عسليه و رموشها طويله جسمها مليان شوي بس متناسق طولها عادي .
ليان ما عاشت طفولتها مثل أي طفله ابوها مات في حادث و هي عمرها 9 سنين وامها طاحت مريضه وصارت مشلوله و اضطرت ليان تعتني بأمها و أخوانها اللي اصغر منها
_________________________________
ليان : ها يمه بغيني شي ثاني قبل ما اروح .
أم عبد الله لا يالله و خري خليني اشوف المسلسل .
ليان : حاضر .
وترجع ليان تجلس عن النت .
آآه علـــــ قلب ـــى صارت طموحـــ سراب ـــاته
Back سوري تأخرت عليكي .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
أحلى Back ، لا عادي .
آآه علـــــ قلب ـــى صارت طموحـــ سراب ـــاته
إلا انتي كم عمرك .؟
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
عمري 18 سنه ..
آآه علـــــ قلب ـــى صارت طموحـــ سراب ـــاته
العمر كله .. تدرسين ؟؟
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
Yes ، ثالث ثانوي قسم علمي .
آآه علـــــ قلب ـــى صارت طموحـــ سراب ـــاته
ما شاء الله شكلك دافوره .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
لا والله أفحط و شكلي بسكن في ثالث ثانوي لين ما يطردوني و يخلوني أكون مدرسه من كثر ما أعيد السنة تدرين كونت خبره .
آآه علـــــ قلب ـــى صارت طموحـــ سراب ـــاته
هههههاااااي والله انك طفله طيب إذا كنتي مو شاطر لييه داخله علمي .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
الموضوع و مافيه انها مسألت مبدأ .. حرام أضيع سنين عمري ة جهودي و ذكائي الخارق>>> خخخ كثر منها .
عن العاده و أحرم مدرسات علمي من أنهم يستفيدون من خبراتي و تأليفي للقوانين الجديده في أثناء حل أسئله الاختبار .
آآه علـــــ قلب ـــى صارت طموحـــ سراب ـــاته
يا سلام .. يا عبقريه زمانك طيب وين بتدخلين بعد ما تخلصين الثانويه .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
ما يبغى لها شي أنا بتزوج و بخلي زوجي هو اللي يصرف علي وأنا مرتاحه أكل و نوم و طلعات .
آآه علـــــ قلب ـــى صارت طموحـــ سراب ـــاته
يؤيؤيؤيؤ ، أنتي ما عندك طموح .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
أقوول يا أم طوح .. وشو طموحك انتي .
آآه علـــــ قلب ـــى صارت طموحـــ سراب ـــاته
طموحي اني اخلص دراستي في الكليه و اتوظف .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
طيب انتي أي تخصص تدرسين في الكليه .
آآه علـــــ قلب ـــى صارت طموحـــ سراب ـــاته
أنا سنه ثانيه في كليه الطب .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
أحلى يا خطيره طب مرره وحده .
آآه علـــــ قلب ـــى صارت طموحـــ سراب ـــاته
ههههه أخجلتم تواضعي .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
يالله عن اذنك ، اشوفك في وقت ثاني .
آآه علـــــ قلب ـــى صارت طموحـــ سراب ـــاته
Ok على راحتك .
" جواد سكر اللاب توب حقه و نزل بالصاله عند اهله "
_________________________________
جواد 20 سنه جماله رباااني وسيم لأبعد حد عيونه عيون المها وانفه سله سيف شعره ناعم و كثيف و طويل
مغرور و متكبر يماشي بنات وهو من عائله ثريه .. و حياته كلها اسرار راح نتعرف عليها من أحداث القصه .
____________________________________
البــــــ الثاني ـــــارت
\
/
\
/
\
/
\
نزل جواد للصاله و شاف خواته الجوري و مشاعل يلعبو بلايستيشن و مرام و نجود يشجعونهم
راح و جلس بجنبهم الا مشاعل تصارخ وتضرب الجوري .
مشاعل : لالالالالا ما يصير غشااااشه شلوووون تفوزين مااايصير عيديها لالالا غش غش .
الجوري : خسرانه و تتكلم .
مشاعل : لالالا انتي غشاشه .
جواد : ما اقول الا الحمد لله و الشكر على تخلفكم أخوانكم الصغار اعقل منكم .
الجوري : بسم الله الرحمن الرحيم ، انت من وين طلعت لنا .
مشاعل : الحين انت من متى وانت هنا .
جواد : انا هنا من بدأ تخلفكم و الله العظيم انكم بزرااااان .
مرام : جواد قول لهم يخلوني العب .
نجود : و انا و انا ابي .
جواد : شنو تبين انتي بعد .
نجود " ببرائه " : العب انا .
____________________
الجوري : 20 سنه .
مشاعل : 19 سنه .
خوات جواد من ابوه وهم مخطوبات لعيال عمهم حبووبااات – بس مشاعل عليها اشووي عربجه و دايما لسانها حاضر عند الازمات .
مرام : 8 سنوات – نجود : 4 سنوات .
خوات جواد من امه و ابوه .
____________________
جواد : اقول انتي معاها خلوهم يلعبون .
مشاعل : لا ما ابي .
جواد : اقول راح تلعبينهم ولا اقوول لـــ .... ؟
مشاعل : اتحداك و اتحدى عشره من امثالك .
جواد : وين جوالي بس وينه ؟ خليني اقول لعيال العم .
الجوري : خلااااص خلاااااص ، الحين نلعبهم .
مشاعل : افا يا اخوي انت اموت عليك انا .
جواد : شنو يثبت لي انكم تحبوني .. عطوني برهان .
الجوري : هذا بلعبهم .. " و تلف على مرام و نجود " مسكوا لعبوا .
جواد : لالالا عطوني برهان آخر .
مشاعل : أأف حصه رياضيات نعطيك برهان طيب قل لنا النظريه علشان نعطيك البرهان .
جواد : لا تعرفين تنكتين انتي ووجهك مرام روحي هاتي جوالي من فوق .
الجوري و هي تمسك مرام وتجلسها تلعب : أفاااا عليك يا اخوي انت امر تدلل ما لك الا اللي يرضيك .
جواد : اييه ... ناس ما تجي الا بالعين الحمرا .
مشاعل : اقول اخلص علينا وشو طلباتك .
جواد : اممممممم .. خلوني افكر .،،. أي صح الجوري اذا ما عليكي امر سوي لي كاس كبتشينو ، يالله و ريني النتيجه ، عطيتك النظريه .
مشاعل : الاخ مصدق عمره صاير مدرس رياضيات على غفله .
الجوري تأشر لها انها تسكت و تركض للمطبخ و هي تقول : طيراااااان و يكون احلى كبتشينو عندك يا احلى اخ .
و يلف جواد على مشاعل و يعطيها النظره الشريره و يقول : و انتي يا حوله sorry قصدي يا حلوه بس طلعت بالغلط .
مشاعل : قال غلطه قال ،، انا ادري اك متعمد .
جواد : خلصي علي ، روحي للجراش غسلي سيارتي .
مشاعل " تشهق " : انا مشاعل بنت عبد العزيز .. اغسل سيارتك انت " تأشر عليها من فوق لين تحت " .
جواد " وهو يطالعها بنظره احتقار " : أي انتي و خلصي علي بسرعه ولا ترى بـ..
و قبل لا يكمل ما يشوف الا غبرت مشاعل و هي طالعه و تتحلطم .
و يجلس يلعب بلايستيشن مع مرام و نجود ، وهم جالسين يلعبون الا يرن التلفون ولا واحد منهم حس على دمه و رد عليه و تدخل امهم مع زوجه ابوهم الصاله وهي تصارخ .
ام محمد : شفيكم جاكم صمخ ما تسمعون التلفون يرن ليه ما تردون .
جواد : يمه الله يهديك ما تشوفين ان احنا مندمجين ردي انتي .
ام فهد " زوجه ابوهم " : انت ما تستحي على وجهك شلون تكلم امك كذا .
جواد : يؤيؤيؤ ،، الأم الثانيه موجوده بعد .
أم محمد " ترد على التلفون " : الوو .
: السلام عليكم ، شخبارك خالتي .
ام محمد : و عليكم السلام يا بنتي عبير شخبارك و شخبار العيال و شخبار " ريوف " هالنتفه اشتقت لها .
عبير : بخير الله يسلمك بس هالنتفه مجننتني و مطيره النوم من عيوني ، انتو اخباركم و شو مسويين .
أم محمد :بخير الحمد لله بس ناقصنا و جودكم عندنا ما ودكم تجون في هالاجازه .
عبير : ابشرك بننزل و بنجلس عندكم شهرين إلا اقول خالتي امي بجنبك .
أم محمد : أي بجنبي .
و تعطي أم فهد التلفون تكلم بنتها .
_________________________
عبير 29 سنه متزوجه و ساكنه في الرياض هي و زوجها تركي "35 سنه " .. عيالهم عبد الرحمن 10 سنوات .. عبد الله 9 سنوات .. شوق 5 سنوات .. ريوف 3 اشهر
_________________________
عبير : يالله يمه عن اذنك بروح اشوف ريوف اسمعها تصيح .
أم فهد : مع السلامه الله يحفظك يا بنتي .. راح انتظر جيتكم اسبوع الجاي .
عبير : ان شاء الله مع السلامه يالغاليه سلمي على خالتي أم محمد .
و تسكر أم فهد من بنتها الا بدخلت الجوري ماسكه الكبتشينو و تعطيه جواد و تلف على امها .
الجوري : مين اللي تكلمين .
أم فهد : هذي اختك عبير .
الجوري : شخبارها اشتقت لها هالدبه ما قالت لك متى راج يجون .
أم فهد : تقول انهم راح يجون الاسبوع الجاي و بيظلون شهرين .
الجوري و هي تنطط من الفرحه : وناااااسه بروح اقول للبنات .
و تطلع و تروح لغرفه اختها جود .
_________________________
جود 20 سنه اخت جواد التوأم بنت نااعه و هاديه رومنسيه دايما عايشه في احلامها الورديه – تشبه اخوها كثيير بس هي على نعومه جسمها ضعيف بس حلووو و متناسق شفايفها زهريه ومليانه خدودها زهريه و شعرها اسود و حرير
_________________________
\
/
\
/
\
/
\
/
\
الجوري و هي تضرب باب غرفة جود اللي مشغله اغنيه " بحبك و حشتيني " و عايشه جو
: جوود جووود .
جود و هي تحس ان الضرب اللي تضربه اختها على الباب كأنه على راسها : نعم وشو بغيتي .
الجوري : عندي خبر بمليووون ريال .
جود تفتح الباب و الجوري على طول تدخل و تصعد على السرير و تجلس تنطط : عبير بتجي الأسبوع الجاي .
جود : قولي والله .
الجوري : من اشوي داقه على امي و قالت لها .
جود : وناسه ياني مشتاقه لـ ( ريوف ) بموووت لين ما اشوفها .. الا قولي لي الحين انتي خلصتي اغراضك ترى زواجك باقي عليه شهر بس .
الجوري : باقي بس اشياء بسيطه بس اخوانك مو راضيين يودوني اكمل و مشاعل الخاينه راحت مع امي وكملت اغراضها و لا خذتني معاها .
جود : ليه ما تروحين مع السواق .
الجوري : تعرفين اني ما احب اروح مع السواق .. جود حبيبتي قولي لجواد يودينا هو ما يسمع كلام احد غيرك .
جود : مين قال انه يسمع كلامي انا بطلعه الروح يسوي لي شي .
الجوري : بس انتي تعرفين تجيبين راسه .
جود : خلاص احاول هو وينه الحين .
الجوري : جالس تحت .
جود وهي تأشر على اختها تلحقها : خلينا ننزل و نحاول فيه .
ينزلون البنات لأخوهم وحده تجلس عن يمينه و الثانيه عن يساره .
جود : اخي الحبيب هل تعلم كم احبك ؟؟
جواد : اخلص علي وقولي وشو تبين .
الجوري : حنا بنحبك كتير كتير .
جواد : لاحووول ، قولوا شنو عندكم .
جود : حبيبي جواد أدري انك تحبني موووت ، وماراح ترفض لي طلب صح .
جواد : خطأ .
الجوري : افاا ترفض طلب اختك حبيبتك جود .
جود وهي مسويه نفسها مسكينه : يعني احنا مانكسر خاطرك .
الجوري تقلدها : أي شوفنا صايرين مثل البؤساء و المساكين .
جود : لاتنسين ابناء السبيل .
جواد : خلصوا علي شنو تبون ترى مو فاضي لكم .
جود : يالله عاد ودنا .
الجوري : أي أي ودنا ودنا .
جواد : طيب وييييين اوديكم .
جود : ودنا السوق .
جواد يقوم من وسطهم : مافيه .
الجوري وهي تمسك يده : يا اخي ارحم عزيز قوما قد ذل .
جود : وهذا انا اقول مستحيل اخوي حبيبي يرفض لي طلب .
جواد : اووووف طيب روحوا تجهزوا .
جود و الجوري : يس .
وراحوا يتجهزون وهم صاعيدن شافوا اختهم شجون نازله هي مع ريم .
_________________________
شجون : 18 سنه اخت جواد من ابوه عنييده لأبعد حد و هذا الشيء يخليها دايما تتخانق مع جواد على اقل شيء .
ريم : 17 سنه اخت جواد من امه و ابوه ذكيه و دافووره و همها كتبها دايما تقرا و تزيد من معلوماتها
_________________________
شجون : شفيكم تركضون كأنكم مجانين .
الجوري : بعدي خليني اروح ألبس لا يغير رايه الحين .
شجون : مين اللي بيغير رايه ووين بتروحون .
جود : بنروح السوق يالله بعدي خلينا نروح نلبس .
شجون تبعد عنهم و تنزل هي و ريم اللي ماسكه كتاب ( كيف تتغلب على الفشل ) .
شجون تكلم امها : يمه ابي اروح معاهم .
أم فهد : و انتي شنو عندك علشان تروحين .
شجون : تغيير جو و الله البيت ملل .
أم محمد : خليها تروح تغير جو " و تلف على شجون " روحي استانسي مع خواتك .
أم فهد : و انتي يا ريم ما تبين تروحين .
ريم : No, no, I do not want to go I want to read this book
أم فهد : شنو تقولين تكلمي عدل .
ريم : لا أنا ما ابي اروح مالي خلق حق لفت السوق .
شجون : الا مع مين بنروح ؟؟
أم محمد : مع جواد .
شجون بخيبه امل : أجل انا ماني رايحه .
أم فهد : ليش توك قبل اشوي بتموتين علينا تبين تروحين .
ريم : يعني ما تعرفين شجون هي غيرت رايها لان جواد هو اللي بيوديهم .
أم محمد : و انتوا متى راح تتصالحون لكم شهرين ما تكلمون بعض هالشي ما يجوز .
شجون : والله ولدك هو اللي بادي و الا ليش يطول صوته علي .
أم فهد : أم محمد خليهم عنك ترى بتعبين و هم ماراح يسمعون لك .
أم محمد : الله يهديهم .. ريم ذاكرتي لبندر .
_____________________________________
بندر 10 سنوات حركي و مزعج الي ابعد حد يموووت في شي اسمه لعب
_____________________________________
ريم : اصلا انا اليوم ما شفته ابد .
أم محمد : يووه وين راح هذا .
أم فهد : تلقينه يلعب برا الحين .
الا يسمعون صراخ واحد يسرررررع وهو ينزل من الدرج .
: يمه ، يمه ، يمه ...
أم محمد : بسم الله .. شفيك شنو صاير .
: شلون .. متى .. ليش
أم محمد : تكلمي عدل ..قولي وشو فيكي .
: مين اللي خذه يعترف بسررررعه .
أم محمد : مي تكلمي عدل ولا روحي عني .
_____________________________________
مي 13 سنه عربجيه حييل عليها حركات غبييه تخلي الكل يضحك عليها غصب
_____________________________________
مي : مين اللي خذ الكاكاو اللي في درجي بسرعه أعترفوا .
أم فهد : كل هالازعاج و الصراخ علشان كاكاو .
مي : هذا مو أي كاكاو هذا سنكرس حبيب قلبي .
وتجلس على الارض تمثل دور المنهاره و تصيح :
لالالالالا مش معقول خذو حبيب قلبي لالالا ابي سنكرس .
إلا بواحد يضربها على راسها .
مي : آآآي وجــ ...
: شنو .
مي : هااااا .. انااا ... هاااا .
: انتي شنو تكلمي .
مي : انا اقول وجعك سالم يا احلى اخ في العالم .
: أي هذا الكلام السنع يالله روحي ذلفي الحين .
وراح يجلس هو و اخوه بجنب امهاتهم .
أم محمد : محمد ليه تضرب اختك كذا .
محمد : تستاهل .
خالد : خليه يا خاله يسطرها و يأدبها هالخبله .
_____________________________________
محمد 21 سنه قوي الشخصيه الكل يهابه عنييد و جاااد الطبع وسيم الملامح طويل و عريض مسيطر مستحيل احد يغلط عليه مهما كان هو القدوه لجواد دايما ساكت بس اذا تكلم الكل يسكت .
خالد 25 سنه متزوج من بنت خاله " مها " عيالهم شذى 3 سنوات – محمد سنه و نص و مها الحين حامل و في الشهر الرابع
_____________________________________
أم فهد : خالد شنو جابك هالوقت ووين زوجتك .
خالد : انا كنت طالع مع محمد نصلح سيارته .
أم محمد : ليه شفيها سيارتك يا محمد .
خالد : ليه ما تدرين يا خاله ولد مسوي حادث قبل يومين .
أم محمد " بخوف " : حااادث .
خالد : أطمني حادث بسيط و ولد مسرع وصادم .
أم محمد : والله ما حد بيموتني غير هالولد .
خالد وهو يبوس راس أم محمد : بعيد الشر عنك الله يطول لنا بعمرك و تشوفين عيال عياله .
وبرا البيت بجنب سياره جواد .
جواد : انتي كل هذا ولا خلصتي .
مشاعل : طرار و يتشرط .
جواد : انا طرار .
يقوم ياخذ المويه ويرش مشاعل ويركض وراها وهي تصارخ وترميه بكل شي قدامها الا تصدم بأبوها الي توه راجع .
أبو فهد : شنو قاعدين تسوون انت وياها ما عندكم عقول طول بعرض على الفاضي " ويناظر جواد "
جواد ينزل راسه و يمشي علشان ينتظر خواته يخلصون .
أبو فهد : جوااااد .. وين رايح .
جواد " بخوف وهو منزل راسه " : بودي خواتي السوق .
أبو فهد : مافي روحه تعال ابغاك في شي .
جواد : بس ...
أبو فهد و هو معصب : ولا كلمه أنا قلت مافي روحه يعني مافي روحه .
في هالوقت تطلع الجوري مع جود ويسمعون كلام ابوهم .
أبو فهد : أدخلي انتي وياها مافي طلعه " ويلف لمشاعل " وأنتي شنو جالسه تنتظرين دخلي وياهم بسرعه .
مشاعل : حــ حـ .. حاضر .
أبو فهد : و أنت الحقني .
جواد يلحق أبوه للمكتبه و يسكرون الباب عليهم ،، و البنات راحوا الصاله و جلسوا .
أم فهد : ليه ما رحتوا جواد ينتظركم برا .
أم محمد : ترا بيغير رايهاذا ما رحتوا الحين .
الجوري : أبوي جا و قال له لا يودينا و راحوا للمكتبه .
جود : أموت و اعرف ليه ابوي غير معاملته لجواد .
أم محمد نزلت راسها و بان الحزن في عيونها أم فهد حست فيها فحبت تغير الموضوع .
أم فهد : إلا دنيا ماراح تنزل هالشهر مع زوجها ولا راح ينتظرون العرس وينزلون .
أم محمد : والله مدري عنها لي يومين ما كلمتها .
في هالوقت قامو البنات يصعدون فوق علشان يغيرون .
أم فهد : ليش ما تكلمينها و تسألينها .
أم محمد : الحين مالي خلق أكلم احد خليها بعدين ، إلا شخبار فهد و زوجته و عياله .
أم فهد : بخير هالولد القاطع لاهي في هالمستشفى حتى زوجته يا دووب تشوفه .
أم محمد : الله يوفقه .
أم فهد : آمين .. الا من زماان ماسمعنا اخبار ريان ولا احمد ما ادري شنو مسوين الله يهدي أبو فهد و يحنن قلبه عليهم .
أم محمد : أنا كلمت ام ريان تقول ريان مو مرتاح مع زوجها ولا تدري شنو تسوي محتاره بين زوجها و ولدها .
أم فهد : الله يساعدها .. طيب و أحمد .
أم محمد : عااد هذا تدرين إن أحمد من وهو صغير عايش مع جدته و لا يهتم لأحد غيرها .
_____________________________________
فهد 30 سنه دكتور وتوه فاتح له أبوه مستشفى خاص به متزوج من " نور " عيالهم :.
عبد العزيز : 9 سنوات – سمر : 7 سنوات – لجين : 4 سنوات .
دنيا 24 سنه لها سنه من تزوجت ساكنه في جده زوجها " ناصر " يشتغل في البحريه هناك و للحين ماعندهم عيال .
أحمد 21 سنه أمه لبنانيه أخذ الجمال اللبناني أبيض و عيونه عسليه و طويل يعيش مع جدته أم ابوه بعد ما طلق أبوه أمه .
ريان 19 سنه أمه سوريه حلوووه الى أخر درجه عيونه رماديه شعره مايل للاشقر طويل و هادي لدرجه البرود أحيانا يعيش مع امه لان امه ما قدرت تعيش مع أبو فهد كثير فطلبت الطلاق و تزوجت واحد ثاني يسكن في الرياض .
_____________________________________
في المكتبه أبو فهد معصب على ولده لأبعد درجه و جواد طول الوقت منزل راسه و لا قال أي كلمه .
أبو فهد : اسمعني الحين انت فكر في الكلام اللي قلت لك عليه .
جواد يهز راسه بالموافقه .
أبو فهد : أنا ما أخيرك أنا آمرك يالله الحين روح .
جواد يقوم و يطلع وهو صاعد الدرج يقابل اخته جود .
جود : جواد أبوي شنو يبغي منك .
جواد ولا كأنه يسمعها دخل غرفته و سكر الباب على نفسه
جود دخلت غرفتها و هي حزينه على حال أخوها و جلست تتذكر قبل سبة أشهر " جواد جاره أبوه و بضرب فيه و كان ناوي يطرده من البيت بس أمه ما رضت ، اكتفى ابوه بضربه مه هذا ظلت امه و زوجه ابوه ما يكلمونه شهر و بعدها بخمس اشهر رجع ابوه يسبه و كان ناوي يضربه بس محمد منعه هو و خالد بعد ذاك اليوم جواد ما رفع عينه في عين ابوه ابد ..
جود : أنا حاسه إن صاير لـ جواد شي بس ماحد راضي يقول لي شنو ، والله هالموضوع بيجنني ... شنو مسوي يا جواد علشان أبوي يعالمك كذا .
_________________________________
- هل سوف تستمر علاقة ليان مع جواد أم سوف تعلم بلعبة جواد ؟
- ما هو سر جواد ... ولماذا يعامله أبوه بهذه المعاملة ... ؟؟
_________________________________
البــــــ الثالث ــــــارت ..
\
/
\
/
\
/
\
أيتها الصداقة : لولاك لكان المرء وحيدا ،، وبفضلك يستطيع المرء أن يضاعف نفسه وان يحيا في
نفوس الآخرين.
\
/
\
/
\
/
\
بعد يومين ..
في حي متوسط الحال كانت ليان جالسه مع امها و أخوانها
___________________________
عبد الله 18 سنه .
ياسر 17 سنه
و لمى 15 سنه
___________________________
أم عبد الله : ليان شخبار دراستك .
ليان : الحمد لله بس هالدكاتره زاعجينا كل واحد يدخل يصرخ و يطلع .
أم عبد الله : الله يوفقك و ترفعين راسي و أشوفك دكتورة .
عبد الله : بس الدعاء و المدح لـ ليان و أحناا عيال البطه السوده ما لنا مدح ولا شي ما نسمع الا صراخ و تهزيئ و الكلام اللي يغث .
أم عبد الله : انت اول صير مثل أختك و تخرج و مالك الا اللي يرضيك .
عبد الله : الله كريم .
أم عبد الله : و النعم بالله .
تقوم ليان و تدخل غرفتها و تناظر أرجائها دايما تتمنى تكون نفس أي بنت في عمرها تمتلك غرفه خاصه فيها مو مشتركه مع اخوانها تكون جدرانها زهريه يتوسطها سرير مرسوم عليه فراشات وبجانب السرير طاوله عليها احلى العطور و الاكسسوارات و المكياج .
كان بيت ليان عباره عن غرفتين نوم و صاله و مجلس و مطبخ صغير .
ليان " في نفسها " : أنا شنو قاعده أفكر فيه المفروض أحمد ربي أن عندي بيت أنام فيه غيري يتمنون اللي عندي و ما يلقونه و تشغل اللاب توب حقها و تجلس تتصفح في النت فجأه تم تسجيل دخول
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
ليان : يؤيؤيؤ ،، أنا نسيت أني ضايفه قبل يومين وحده من الشات خليني أكلمها و أشوف أخبارها .
آآه علـــــ قلب ـــى صارت طموحـــ سراب ـــاته
هلا و مرحبا ... كيف الحال يا قمر .
.... جواد كان ناسي أنه ضايف وحده على انه بنت .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
هلا والله .... مين معي ؟؟
آآه علـــــ قلب ـــى صارت طموحـــ سراب ـــاته
يؤيؤيؤ ،، نسيتيني ،، أنا طفله على بوابه النسيان ..
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
طفله على بوابة النسيان ؟؟..
آآه علـــــ قلب ـــى صارت طموحـــ سراب ـــاته
أنتي جود ... أنا اللي كلمتيها قبل يومين على الشات .
جواد تذكرهاا .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
أيوا ... اللي ما رضت تقول لي اسمها ..
آآه علـــــ قلب ـــى صارت طموحـــ سراب ـــاته
أخيراا تذكرتي ... يلا سامحتك هالمره بس لا تعيدينها .... كيفك ؟؟!
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
هههههههههه .. بخير .. هااا ما زلتي مصره أنك ما تقولي لي اسمك ؟؟
ليان تفكر ....
آآه علـــــ قلب ـــى صارت طموحـــ سراب ـــاته
اممممممم ... اسمي ليان .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
عاشت الأسامي ... طلع اسمك حلوو أنا كنت اعتقد انه مو شي علشان كذا مو راضيه تقولينه لي .
آآه علـــــ قلب ـــى صارت طموحـــ سراب ـــاته
لا مو علشان كذا بس هذا اول مره اضيف احد من الشات .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
اهاااا .. طيب ليه انا ضفتيني .
آآه علـــــ قلب ـــى صارت طموحـــ سراب ـــاته
مدري ارتحت لك حسيتك غير عن كل الموجودين .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
طبعااا ،، طبعاا .. لاني جوود مو أي وحده .
آآه علـــــ قلب ـــى صارت طموحـــ سراب ـــاته
ههههههه .. واثقه الاخت ... اقول لا يكثر بس
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
مو مشكله بعديها لك بمزاجي .. طيب ما فكرتي اني يمكن اكذب عليكي .
آآه علـــــ قلب ـــى صارت طموحـــ سراب ـــاته
تصدقين ما فكرت بهذا الشي ... بس ما اعتقد انك تكذبين .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
طيب ليه ؟؟ ...
آآه علـــــ قلب ـــى صارت طموحـــ سراب ـــاته
مدري و بس ...
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
طيب طيب لا تزعلين
آآه علـــــ قلب ـــى صارت طموحـــ سراب ـــاته
ماراح ازعل بس غيري الموضوع
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
طيب اممم تكلمي عن نفسك .
آآه علـــــ قلب ـــى صارت طموحـــ سراب ـــاته
مدري شنوا قول انتي تكلمي عن نفسك اول
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
انا بختصار .. مواطنه سعوديه مثل أي مواطنه سعوديه عايشه على ارض المملكه .
آآه علـــــ قلب ـــى صارت طموحـــ سراب ـــاته
قامت تنكت . هههههههه هههههه . خلصي تكلمي عدل
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
ليان لا تحطميني ... حرام عليكي .. اهئ اهئ اهئ
آآه علـــــ قلب ـــى صارت طموحـــ سراب ـــاته
سوري حبيبتي .. لا تزعلين مني .. بس مدري خذت عليكي على طول والله اسفه
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
لا لا لا لا عادي بالعكس انا فرحانه انك خذتي علي
آآه علـــــ قلب ـــى صارت طموحـــ سراب ـــاته
اكيد
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
اكيدين بعد ... شنو تبين اكثر
آآه علـــــ قلب ـــى صارت طموحـــ سراب ـــاته
كل شي حتى اصغر الامور ابغى اعرفهم
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
اممممم .. انا جود 18 سنه ... أدرس في ثالث ثانوي .
آآه علـــــ قلب ـــى صارت طموحـــ سراب ـــاته
أدري و بعد
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
احب قراءة الكتب
آآه علـــــ قلب ـــى صارت طموحـــ سراب ـــاته
مثل شنو
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
كل شي .. واي شي ... تدرين ان مكاني المفضل المكتبه انا و اختي لو نقدر نسكن فيها سكنا بس للاسف ما يحصل ،، مع ان عندنا بالبيت مكتبه ..
آآه علـــــ قلب ـــى صارت طموحـــ سراب ـــاته
كلامك يدل على انك مثقفه مع هذا اول ما كلمتك قلتي انك مو شاطره في المدرسه
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
هذا لاني ما احب المدرسه و لا لي خلقها
آآه علـــــ قلب ـــى صارت طموحـــ سراب ـــاته
ليه هذا مستقبلك
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
انا ما احب احد يتحكم فيني
آآه علـــــ قلب ـــى صارت طموحـــ سراب ـــاته
اسمحي لي انا لازم اطلع الحين .
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
ليه تو بدري لسى ما تكلمنا .
آآه علـــــ قلب ـــى صارت طموحـــ سراب ـــاته
خليها في وقت ثاني مع السلامه
مشگلـہ ../ لآ صآر مآ عندگ مشآگل ..!! صــآفي " مزآجگ" ,, ومشتهي لگ مصيبه ..!!
على راحتك .. مع السلامه
و تطلع ليان وتروح تسلم على بنات خالها اللي توهم جايين
_______________________
غلا 23 سنه – حلا 20 سنه – دلال 18 سنه
مها 15 سنه
_______________________
ليان : هلا هلا ببنات خالي العزيزات .
حلا : عزيزات ولنا اسبوع ما شفناك .
ليان : و الله انتوا تعرفون الظروف .
غلا : اقول لا تجلسين تطلعين لك اعذار ما راح نسامحك .
ليان : ماراح تسامحوني و انتوا جالسين في بيتنا .
حلا : حنا ما جينا لك احنا جايين لعمتنا و لا انتي no no no .
ليان : مالت عليكم .
غلا : بعد لا لا ما اقدر اجلس اكثر من كذا بروح بيتنا .
ليان تمسك يدها و تجلسها : أقول جلسي و انتي ساكته .
غلا : بجلس بس ماراح اكلمك .
ليان : أهم شي انك تجلسين .. دلال غريبه ساكته العاده ماحد يقدر يتكلم منك .
حلا : خليها عنك متخانقه مع اخوي مشعل .
ليان : ليه .
حلا : بس تبي تروح بيت صديقتها و مارضى يوديها .
ليان : افااا .. يعني احنا الحين ما نكفيكي صديقتك صارت احسن منا .
دلال : لا مو كذا بس البنات كلهم بيروحون الا انا و الله قهر .
ليان : ولا يهمك .. الحين نسوي لك جو احسن منه مافي و راح تستانسين على الاخر .
دلال : ok ، امري لله .
مها : اقول ليان وين لمى ما اشوفها .
ليان : روحي لها في الغرفه نايمه .
مها : هذا و هي تعرف اني بجي .
ليان : هذي في النوم ما تعرف احد .
مها : انا اوريكي فيها بروح اجلسها .
و تروح مها علشان تجلس لمى .
ليان : من زمان ما نمتوا في بيتنا ليه ما تنامون اليوم .
غلا : ما يصير أخوانك ما يعرفون يا خذون راحتهم .
ليان : أقول لا تسوين روحك مؤدبه انتي تدرين انهم دائما في المجلس مع ربعهم .
حلا : حتى ولو .
ليان : اقووول بس سكتوا و اليوم راح تنامون يعني بتنامون .
دلال : أنا عن نفسي بنام مالي خلق اشوف مشعل .
غلا : ياللي ما تستحين على و جهك .
ليان : يا بعد قلبي يا دلول و انتوا بعد بتنامون .
غلا : نشوف .
الا تطلع لهم مها ولمى تلحقها تبغى تضربها .
لمى و هي تصارخ : ياللي ما تستحين على وجهك كيف سمحتي لنفسك تكبين المويه على وجه عمتك لمى .
مها وهي تضحك على شكلها : عمتي اقول لا يكثر بس .
لمى : انتظري وشوفي شنو راح اسوي لك .
مها : ما ابي .
غلا : اقول انتي وياها جلسوا فضحتونا .
أم عبد الله : لياااان لياااااان ..
ليان : شفتوا جلستوا امي من النوم .
و تروح تشوف امها .
أم عبد الله : شفيكم ليه هالصراخ .
ليان : هذي لمى مع مها جالسيين يلعبون .
أم عبد الله : مها هنا ... هي لحالها جايه .
ليان : لا معها غلا و حلا و دلال .
في هالوقت تدخل عليهم غلا و تروح تبوس راس عمتها .
غلا : كيفك عمتي شخبار صحتك .
أم عبد الله : بخير يا بنتي انتي شخبارك و اخبار امك .
غلا : بخير و يسلمون عليكي .
أم عبد الله : الله يسلمهم ... و الله مشتاقه لهم .
غلا : ان شاء الله يجون يزورونك هالاسبوع .
أم عبد الله : حياهم الله .
و طلعوا علشان يخلون أم عبد الله ترتاح و جلسوا يتكلمون
بعــــــــــــــــــ أسبوعين ــــــــــــــــد
بدأت العطله و صارت ليان تكلم جواد كل يوم و صاروا ما يقومون من عند النت علشان بس يكلمون بعض هي بدت تثق أن جواد بنت و حبت تتعرف عليه أكثر و أكثر وحبت الوقت اللي تقضيه معه .
أما جواد كان يتسلى معاها و دايماا يدور أي كذبه علشان يلفت انتباها و هي مسكينه تصدقه في أي شي
____________________________
في بيت جواد كانت عبير و عيالها ،، هي جات قبل أسبوع و سكنوا في بيتهم اللي كان قريب من بيت أهلها ،، .. في الصاله عبد الرحمن و عبد الله و بندر جالسين يلعبون بلايستيشن و مسويين ازعاااج مو طبيعي .
عبد الرحمن : عبد الله وخر مو عارف اشووف ... شفت خليته يسبقني .
بندر : ههههههآآآآآآي ... قول انك ما تعرف تلعب هذي ثاني مره أقوز عليك .
عبد الله : يا أخي ما تعرف تلعب عطني خلني اعلمك اللعب العدل .
عبد الرحمن : انت اسكت .. بنييدر يالله عييد اللعبه بسررعه .
بندر : تبي تخسر للمره الثالثه على التوالي .
عبد الرحمن : اسكت و ألعب .
تدخل عليهم عبير ماسكه بنتها ريوف .
عبير : شنو هالازعاج .. ترى جدكم بيطردنا أن ما سكتوا .
عبد الله : يمه قولي لدحييم يلعبني .
عبير : عبد الرحمن لعب أخوك .
عبد الرحمن : دقيقه بفوز على بنييدر .
عبير : عبد الرحمن قص في لسانك أحترم خالك .
بندر : أي قولي له يحترمني .
في هالوقت بندر يسبق عبد الرحمن و يفوز عليه .
عبد الرحمن : لالالالالالالا ماني لاعب معاكم .
عبد الله ياخذ مكان عبد الرحمن : احسن يالله بندر خلنا نلعب .
يدخل عليهم محمد و يجلس جنب عبير ويلاعب ريوف .
عبير : من وين طالعه الشمس اليوم ؟!.. اشوف السيد محمد راضي علينا و جالس معانا غريبه ماطلعت .
محمد : الحين بطلع ..
عبير : حراام عليك .. أرحم حالك كل يوم تطلع و لا ترجع الا الفجر و تنام لك بس ساعتين و ترجع تطلع .
محمد : عبير وفري كلامك .
عبير : يا محمد ...
محمد : إذا ما قفلتي الموضوع ترى بطلع الحين .
عبير : بكيفك .. أنا ابغى مصلحتك .
إلا يدخل عليهم أبو فهد ....
أبو فهد : أوه أوه ... محمد جالس عندنا ..
محمد يقوم يبوس راس ابوه : شفيكم علي اليوم شكلكم ما تبوني خل اطلع أجل .
أبو فهد : اجلس احسن لك .
محمد : ان شاء الله .
أبو فهد : عبير زوجك اليوم بيتغدا معانا ولا لا .
عبير : أي بيجي يتغدا .
محمد : يا عيني حبيب القلب أقول ما مليتي منه لك اكثر من 10 سنوات مقابلته .
عبير : بعد قلبي مستحيل امل منه حتى بعد مليون سنه .
محمد لف على ابوه : زووووجني ولا بنتحر ترى .
أبو فهد : أنت أطلع من ثالث ثانوي أول وبعدين تكلم ... لك سنتين في ثالث ما تستحي على وجهك .
محمد : أنا اشوف العالم تدرس علشان تتوظف و أنا الحمد لله متوظف و خالص .
أبو فهد : ولو شغلك معاي ما يغنيك عن الشهاده .
محمد : حتى لو قلت لك إن أنا و انت بيصير زواجنا في يوم واحد .
أبو فهد : أي هذا الكلام السنع خلاص بزوجك .
محمد : و نتزوج أم و بنتها .
أبو فهد : و أنت تتزوج الام وانا البنت .
محمد : لا والله أجل مافي زواج .
عبير : يبه من جدك تتكلم عندك زوجتين ولا احسن منهم ولا كفاك و انت يا محيميد ياللي ماتستحي على وجهك تبغى تزوج ابوك .
أبو فهد : مافيها شي زياده الخير خيرين .
محمد : أي خيرين أنت اصلا عندك خيرين .
أبو فهد يضر ولد على كتفه : أيا جليل الحيه .
أم محمد " وهي داخله في يدها صينيه القهوه " : وهو صادق ما كفاك اللي عندك تبي بعد .
أبو فهد : الشرع محلل أربع .
أم محمد : اللي يسمعك يقول الحين أنت مو متزوج أربع .
أبو فهد : أربع ؟؟!! ... وينهم ؟؟
أم فهد تدخل عيهم : و الثنتين اللي مطلقهم .
محمد : انتوا قلتوها مطلقهم يعني يقدر يتزوج .
أم فهد : ما تستحي على وجهك انت تبي تزوج ابوك .
محمد : عادي علشان يصير عندي ثلاث أمهات يدلعوني و يعطوني اللي ابغى .
أبو فهد : أبشر بعزك لازم اتزوج علشانك .
أم محمد : هذا اللي بذبحه هو و ولده فوقه .
أبو فهد : هذا جزاي اللي أبي الخير لولدي .
عبير : محيميد قووم أطلع برااا .
محمد : قبل أشوي تقولين لا تطلع والحين تطرديني .
عبير : يا أخي انت تجيب المصايب إذا كنت في البيت ..
في نفس الوقت كان جواد منسدح على سرير جود و يقرا في كتاب " حلول غير تقليديه لمشاكل الحياة اليومية "
و جود جالسه عند اللابت توب تبعه و تنسخ منه اغاني و تحطهم في جهازها .
جواد : الحين انتي ما خلصتي ترى انا زهقت .
جود : اقرأ و أنت ساكت .
جواد : افففففففف صحيح ما تنعطين وجه .
جود : ...........
جواد يسكر الكتاب و يلف على جنب و يجلس يفكر جود انتبهت له ...
جود " في نفسها " : ياليتني اعرف شنو تفكر فيه ياليت اقدر اخفف همومك .. جواد قولي شنو ... جواد جواد يؤيؤيؤ نام خليني اغطيه الجو بااارد ...
غطت اخوها و كملت شغلها و بعد ربع ساعه ما تحس الا بمي تفتح الباب بدفاااشه و يفز جواد من نومه وهو باقي اشوي و يوقف قلبه ...
جود : يا غبيه .. ما تعرفين تفتحين الباب بأدب أنا كم مره قلت لك ضربي الباب قبل ما تدخلين أنتي ما تفهمين .
مي" و هي خايفه بس مو من جود من جواد اللي تحس ان النار تطلع من عيونه " : ابوي قال لي اقول لكم تعالوا الصاله يبيكم في شي مهم ...
جواد اللي تبدلت نظراته الى برووود : طيب الحين بنجي و أنتي مره ثانيه فتحي الباب اقوى من كذا ترى النعومه ما تليق لك " ويلف على جود " خلصتي من اللاب توب .
جود : أي خلصت ... تفضل .
ياخذ اللاب توب ويطلع و هو يحس انه يبي يقتل مي و مع هذا يفكر شنو الشي المهم اللي يبيهم فيه ابوهم وبعد ربع ساعه كان الكل جالس في الصاله ينتظرون ابوهم يتكلم .
وشو تتوقعون ليه أبو فهد مجمع الكل ... ؟؟
البــــــــــــــــــــــ الرابع ـــــــــــــــارت
/
\
/
\
/
\
/
ياخذ اللاب توب ويطلع و هو يحس انه يبي يقتل مي و مع هذا يفكر شنو الشي المهم اللي يبيهم فيه ابوهم وبعد ربع ساعه كان الكل جالس في الصاله ينتظرون ابوهم يتكلم .
_________________________________
محمد : يبه شفيك تكلم ترى اذا بتقول انك تبي تتزوج فانا موافق و اعطيك المهر من عندي .
أم محمد : اذا ما سكّت ولدك ترى بقوم أطلع .
أبو فهد : محمد أسكت " ويغمز له " اذا جيت بخطب بآخذك معاي لا تهتم .
محمد : خلاص يا وليدي و لا يهمك انا مستعد ازوجك احسن البنات بس انت انجح في دراستك و توظف و مالك الا اللي يرضيك .
أبو فهد : و لا يهمك يا يبه انا برفع راسك .
محمد : هذا عشمي فيك يا وليدي .
أم فهد : متى ناويين تخلصون هالمسرحيه .
أم محمد : خلينا نقوم احسن لنا .
جود : باباتي .... قول شنو تبغى منا .
الجوري : بابا خل محمد يولي و تكلم ترى حرقت أعصابنا .
محمد : اجل انا أولي ..
مشاعل : يؤيؤ عاد قولوا ابي اعرف شنو الموضوع .
جود : باباتي تكلم لا تحرق اعصابنا أكثر .
مي : خلصونا ورانا أشغال ورانا اكل .
أم محمد : و انتي ما يهمك الا بطنك .
مي : تبوني اموت لازم اكل علشان اصير اجمل تدرون هذي ضريبة الحلوين دايما يهتمون في مظهرهم .
مشاعل : أي جمال و أي خرابيط أنتي طالعي نفسك بالمرايه بالاول .
مي : اصلا انتو منقهرين من جمالي الساااطع ..
أبو فهد : يعني ماتبون تعرفون شنو بقول لكم .
كلهم : أكييييييييييييييييييد نبغى .
أبو فهد : الموضوع و مافيه ان ريان بيجي بكره .
أم فهد : حياه الله اذا ما شالته الارض عيونا تشيله .
أم محمد : كل هالاجتماع علشان تقول لنا ان ريان بيجي تراه مو غريب هو من اهل البيت .
عبير : كم بيظل هالمره .
أبو فهد : أنا علشان كذا مجمعكم ريان بيعيش معانا على طوول .
ريم : غريبه ليشب يترك امه .
أبو فهد : يعني تبين ولدي يظل طول عمره عايش مع غريب مو مرتاح مع و ابوه حي .
ريم : لا انا ما قلت كذا بس مستغربه هو بالعاده يجي اسبوع بالكثير و يروح .
أبو فهد " بعصبيه " : هذا من حسن معاملتكم معاه دائما اذا جا يجلس لحاله واذا كلمتوه قلتو له الكلام اللي يغث .
أم فهد : هدي اعصابك ترى ولدك في عيونا .
أبو فهد : أنا ما اقصدكم انا اقصد عيالكم اللي ما يحترموني .
عبير : مين اللي ما يحترمك .
أبو فهد : اللي ما يحترم ولدي ما يحترمني ترى اذا تبوني اطرده اقول لكم في ناس " وهو يطالع جواد اللي من اول الجلسه وهو ساكت " يستاهلون الطرد مع هذا ما نطردوا .
محمد وهو يطلع : ما قلنا لك طرده لا هو ولا غيره ترى هذا بيتك تجيب اللي تبي ... مع السلامه ترى بتأخر الليله و يمكن ما اجي الا الفجر .
أبو فهد : وين بتروح .
محمد : بروح عند ربعي ... " و يطلع "
_________________________________
في الليل في غرفه جواد ..
مشگلـﮧ ../ لآ صآر مآ عندگ مشآگل ..!!صــآفي " مزآجگ " ,, ومشتهي لگ
ليه ساكته اليوم ... غريبه ؟؟!
آآه علـــــ قلب ـــى صارت طموحـــ سراب ـــاته
ما فيني شي .. بس متضايقه شوي .
مشگلـﮧ ../ لآ صآر مآ عندگ مشآگل ..!!صــآفي " مزآجگ " ,, ومشتهي لگ
سلامات ... !!
آآه علـــــ قلب ـــى صارت طموحـــ سراب ـــاته
أمي اليوم مدري وشو فيها ..
مشگلـﮧ ../ لآ صآر مآ عندگ مشآگل ..!!صــآفي " مزآجگ " ,, ومشتهي لگ
أمك !! ... ما تشوف شر ..
آآه علـــــ قلب ـــى صارت طموحـــ سراب ـــاته
الشر ما يجيك .
مشگلـﮧ ../ لآ صآر مآ عندگ مشآگل ..!!صــآفي " مزآجگ " ,, ومشتهي لگ
اذا ما تمانعين امك شنو فيها .
آآه علـــــ قلب ـــى صارت طموحـــ سراب ـــاته
أمي .. من و أنا صغيره و هي مريضة .
مشگلـﮧ ../ لآ صآر مآ عندگ مشآگل ..!!صــآفي " مزآجگ " ,, ومشتهيلگ
الله يشفيها .. بس ما قلتي لي وشو فيها بالضبط .
آآه علـــــ قلب ـــى صارت طموحـــ سراب ـــاته
أنا لما كان عمري 9 سنوات صار حادث لأبوي توفى بسببه أمي ما تحملت الصدمة و طاحت مريضة و جا لها شلل و أنا من ذاك الوقت وأنا أهتم فيها هي و أخواني الصغار .
مشگلـﮧ ../ لآ صآر مآ عندگ مشآگل ..!!صــآفي " مزآجگ " ,, ومشتهيلگ
مدري شنو أقول لك الا الله يعينك و يعينهاا .
آآه علـــــ قلب ـــى صارت طموحـــ سراب ـــاته
الله كريم ... بس ما قلتي لي كم أخت انتي عندك .
مشگلـﮧ ../ لآ صآر مآ عندگ مشآگل ..!!صــآفي " مزآجگ " ,, ومشتهي لگ
مين قال لك ان عندي خوات يمكن ما يكون عندي .
آآه علـــــ قلب ـــى صارت طموحـــ سراب ـــاته
أنتي مره قلتي لي ان وحده من خواتك تحب القراءه مثلك ..
مشگلـﮧ ../ لآ صآر مآ عندگ مشآگل ..!!صــآفي " مزآجگ " ,, ومشتهي لگ
اهاااا .. انا عندي 9 خوات و انا العاشره .
آآه علـــــ قلب ـــى صارت طموحـــ سراب ـــاته
ما شاء الله عليكم كثااار أنا ما عندي الا وحده ..
مشگلـﮧ ../ لآ صآر مآ عندگ مشآگل ..!!صــآفي " مزآجگ " ,, ومشتهي لگ
أبو متزوج ثنتين .
آآه علـــــ قلب ـــى صارت طموحـــ سراب ـــاته
اهاااا كم اخت عندك من أمك و أبوك ..
مشگلـﮧ ../ لآ صآر مآ عندگ مشآگل ..!!صــآفي " مزآجگ " ,, ومشتهي لگ
خمسه ..
آآه علـــــ قلب ـــى صارت طموحـــ سراب ـــاته
و أنتي اصغرهم و لا اكبرهم ..
مشگلـﮧ ../ لآ صآر مآ عندگ مشآگل ..!!صــآفي " مزآجگ " ,, ومشتهي لگ
أنا الثانيه في عندي أخت متزوجه ..
آآه علـــــ قلب ـــى صارت طموحـــ سراب ـــاته
عندها عيال ..
مشگلـﮧ ../ لآ صآر مآ عندگ مشآگل ..!!صــآفي " مزآجگ " ,, ومشتهي لگ
لا
آآه علـــــ قلب ـــى صارت طموحـــ سراب ـــاته
الله يرزقها ... انا خواتي اصغر مني تصدقين أنا أحسدك على خواتك أنا كنت أتمنى يكون عندي خوات كثااار ..
مشگلـﮧ ../ لآ صآر مآ عندگ مشآگل ..!!صــآفي " مزآجگ " ,, ومشتهي لگ
اهااااا .. اكيد دايم مع اختك ...
آآه علـــــ قلب ـــى صارت طموحـــ سراب ـــاته
راح تستغربين أن كلامنا محدود بس علاقتي مع اخوي عبد الله حلووه مرره دايم يكون بجنبي إذا احتجت شي ..
مشگلـﮧ ../ لآ صآر مآ عندگ مشآگل ..!!صــآفي " مزآجگ " ,, ومشتهي لگ
كم عمر عبد الله ..
آآه علـــــ قلب ـــى صارت طموحـــ سراب ـــاته
18 سنه ..
مشگلـﮧ ../ لآ صآر مآ عندگ مشآگل ..!!صــآفي " مزآجگ " ,, ومشتهي لگ
ما عندك الا أخو واحد ..
آآه علـــــ قلب ـــى صارت طموحـــ سراب ـــاته
لا عندي ثاني اسمه " ياسر " عمره 17
مشگلـﮧ ../ لآ صآر مآ عندگ مشآگل ..!!صــآفي " مزآجگ " ,, ومشتهي لگ
و أختك من عمرها ..
آآه علـــــ قلب ـــى صارت طمو
اهلا وسهلا بكم معنا في منتديات فارس نجد ًَ َونتمنى لكم قضاء وقت ممتع معنا إذا لم تسجل بعد بالمنتدى فاضغط على تسجيل وان كنت واحد من الاعضاء الكرام أضغط على دخول
