السلام عليكم ورحمة الله وبركَآته
مسآكم /صبآحكم ورد
كنت أحبّ المطر , يوم قلبي يحب ّ
كان كل ماالجو غيّم , إدموعي تصبّ
و الحين ما يعنيني
ولا يعنّـيني ..
أبتسم لا شفت ( ريم )
تبتسم بـ قدوم غيم
وأماأمّل أشوفها ..
أدري إنْـها تنبسط بـ اللعب تحته ,
و أكتسي بـ شعور صادق ..
والله أتعب لو شرحته ,
بس ما يعنيني
ولا يعنّـيني إلاّ إبتسامة ( ريم )
ياريم ( وجهك حضن ) عن حاجة الناس ,
..................؟.. عمرك ثلاث سنين !! منت ِ صغيره
على الأقل ( أكبر ) من العالم إحساس
...................... مافادني ( حسّ ) العمـَار الكبيره
آحسّـك أكبرهم ليا صابني باس ,
......................وأصغر وأبي حاجات منّـك كثيره
أقل شي : ( ألقاك ) ( ولا اشعر بـ ياس ..
............... .. من وقفة ٍ ) تُحسب لـ كسري جبيره
إليا أختنقت آجيك محتاجة أنفاس
........................ وأنت ِ تمدّين الشهيق بـ زفيره
إعروق قلبي من ( غبا العالم ) إيباس
...................... كل ما اكتشفها أرجع آقول خيره
لكن ترى ضحكة حجاجينك ( اساس ..
.................. .. في بل ّ قلبي ) لين يجري غديره
ياريم : أحبّ الوقت ( لا صابك إنعاس
.................... وجيت ِ تبين النوم ) ودّي أصيره
عشان أكون لـ جفنك الغالي إلباس
..................... ومااحسنّـي جفله ولا في ّ حيره
وأهمس لك : إخذيني ولا حاجة النـاس
........................ إختك كبيرة بسّ داخل صغيره
تحتاج كومة عطف وشويّة إحساس
........................... ولا لقتها عند ناس ٍ كبيره
كنّي قطفتكْ من أعماقي وسمّيتك ْ
شوفي لأوادم تحسب إنّك صدِقْ بنتي
ياريم أحبّك , تفضّي لي إذا جيتك
تراي أقاوم غياب العالم إلاّ أنت ِ
ودي للجميع
اهلا وسهلا بكم معنا في منتديات فارس نجد ًَ َونتمنى لكم قضاء وقت ممتع معنا إذا لم تسجل بعد بالمنتدى فاضغط على تسجيل وان كنت واحد من الاعضاء الكرام أضغط على دخول
